سامعة يقولون إن الحصول على #ميدالية_البطولة سهل ولكن الحفاظ عليها صعب؟ #الصداقة نفس ميدالية البطولة اللي لما تحصلين عليها تكونين مستانسة، ولكن المحافظة عليها صعب جدا. فأحيانا تحتاج الصداقة إلى #العفو، وأحيانا إلى #الإيثار. أحيانا #الاستماع إلى صديقتج مطلوب، وأحيانا #المصارحة. أحيانا تحتاج وحدة تبكي معاها، وأحيانا #الضحك يبقيها سعيدة. كل هذا علشان تحافظين عليها. فالمحافظة على الصداقة نفس المحافظة على مرتبة البطولة.
الصديقة الجيدة هي الصديقة اللي تحبج علشانج، وإلا من ما تحس إنج خلاص ما تفيدينها في شيء راح تتركج. وأفضل طريقة علشان الصداقات تبقى، هو #الصدق. إذا يوم من الأيام مزاجنا مو اوكي، لازم نخبر صديقتنا، علشان لا يصير #سوء_تفاهم، فمثلا إذا راسنا يعورنا أو لأي سبب آخر، لازم نقول لها: لهذا السبب ما نقدر نكون لها آذان صاغية، علشان لا سمح الله لا تزعل علينا. الصدق يمنع #سوء_الفهم بين #الأصدقاء.
لا تنسين، المحافظة على الصداقة تمرين كبير للحصول على صديق أفضل بمراتب في يوم من الأيام، صديق أبدي في الدنيا والآخرة، أقصد الزوج اللي تبين تبقين معاه عشرة عمر، وتحافظين عليه ويحافظ عليج.
إذا عجبج الكلام، طرشيه لصديقة لج تودين المحافظة عليها 😍
