اجتماعيةالمرأة

عطيني قلبج علشان أكسره

عفوا أختي، ممكن أقطج من فوق البناية؟ الجواب واضح: لا!!!

ولكن في كثير من الأحيان الجواب اللي نعطيه على هذا السؤال شيء ثاني، وكأننا بخجل وحياء نقول: اي نعم، تفضل، قطني!

صبي يقول لج: عفوا، ممكن أقترض قلبج لمدة قصيرة وأكسره؟

تقولين: نعم تفضل هذا قلبي في خدمتك، تعال واكسره

عقب لما كسر قلبنا وجرحنا نقول: ليش الرجال سيئين لهالدرجة؟!

في حال نسينا احنا اللي سمحنا له

أو مثلا

صديقتج تقول لج: تجين نروح نفتر في #المجمع؟

انتي عندج شغل مهم بكرة وما عندج وقت تطلعين، وهذه الفرة في السيارة أو المجمع معناتها تخريب أيام أو أسابيع أو أشهر من تعبج!

ولكنج بدل ما تقولين لها: لا حبيبتي 😇 سامحيني ما أقدر، تقولين لها: نعم، تعالي وخربي أشهر من تعبي

اعرفي ان لو قلنا كلمة: “لا” في وقتها هذا مو قبيح، بل القبيح متى؟ لما لازم نقول كلمة “لا” وبداله نقول كلمة “نعم”

#الوقت #أهمية_الوقت #قول_لا #الجرأة #احترام_الذات #الجدية #الإنجاز #الشخصية #المرأة #المرأة_القوية #يوم_المرأة_البحرينية 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى